Hyd Treialon

Yn aml, mae treialon twyll sy'n cael eu hymladd yn parhau'n hwy na threialon troseddol eraill. Mae hyn oherwydd:

• bod y trafodion perthnasol yn aml yn rhai cymhleth ac yn digwydd dros amser, gan gynhyrchu llawer iawn o waith papur;
• fel rheol bydd mwy nag un diffynnydd, ac felly mwy nag un cyfreithiwr dros yr amddiffyniad;
• gan amlaf, bydd llawer o dystion yn cael eu galw, ac yn aml byddant yn gorfod teithio o dramor;
• mae'r amserlen yn dibynnu ar a yw barnwr cymwys gyda phrofiad o dreialon twyll cymhleth ar gael.

Amserlen treialon

Adran yr Arglwydd Ganghellor a gweinyddwyr y llys sydd yn trefnu treialon twyll ac yn darparu ystafelloedd addas yn y llys

Defnydd o dechnoleg yn y llys

Rydym yn hysbysu'r llysoedd o'r achosion sydd yn yr arfaeth, ac o unrhyw ofynion arbennig, megis yr angen am unrhyw offer arbennig yn y llys. Ambell dro, bydd tyst mewn gwlad arall yn cyflwyno tystiolaeth i lys yn y DU, trwy ymddangos yn fyw ar sgrîn trwy gyfrwng cysylltiad lloeren.